عبد الله سعد شاب عنده 21 سنه، كان بيلعب كوره مع صحابه في مدرسة المناره
بعد ما خلصوا.. طلعوا بره المدرسه أطفال عندهم 16 و 17 سنه جروا شكلهم و إتخانقوا معاهم.. و واحد من الأطفال دول طلع مطوه و عور بيها "عبد الله" جنب فلبه
بعد ما عبد الله إتصاب.. أصحابه أخدوه و راحوا بيه مستشفى "دار الحكمه" في حسنين هيكل، المفروض إن المستشفى دي من كبيره و محترمه
لحد هنا القصة دي عاديه و ممكن تحصل في أي مكان.. لكن الكلام الجاي ده هو إللي مش عادي
-دكتور الطوارئ جيه بعد ساعة إلا ربع و بعد ما جيه إدارة المستشفى طلبت منهم 20,000 جنية عشان يدخل العمليات.. طبعاً أصحاب عبد الله ماكنش معاهم المبلغ ده
-والدة عبد الله كانت جات في الوقت المناسب عشان تنقذ الموقف و تدفع شيك بـ 20,000 جنية لإدارة المستشفى
-المفاجأه إن إدارة المستشفى رفضت إنها تقبل الشيك و قالوا: "عايزيين الفلوس كاش"
-عبد الله كان ناقص منه 4 لتر دم.. أصحاب عبد الله حاولوا يتبرعوا ولكن المستشفى طلبت 300 جنية على كل كيس دم
-عقبال ما جمعوا فلوس من بعض كان عبد الله مات
عبد الله مات نتيجة الإهمال و الجشع و المتاجره بأرواح الناس
للدرجه دي الدم بقى رخيص؟ للدرجه دي ممكن واحد يخسر حياته عشان 20,000 جنيه؟ للدرجه دي المستوى الرخيص إللي وصلناله في كل حاجه؟ للدرجه دي الضمير و الإنسانيه في قلوبنا ماتوا قدام شوية "ورق"؟
مدير المستشفى لازم يتحاكم جنائياً.. الناس دي علموهم في كلية الطب كل حاجة بس نسيوا يعلموهم "الإنسانيه"
ربنا يرحم عبد الله سعد و يرحمنا
ياريت تعملوا شير يمكن القصه دي توصل بطريقة ما لأي حد يقدر يساعد في إن مستشفى "دار الحكمه" دي -على الأقل- تتقفل
منقول عن حسام المصري أحد أصدقاء عبدالله
ياريت حد يعرفنا هل يعجز القانون المصري عن الزام المستشفيات الخاصة بعلاج المريض قبل الدفع ؟؟؟؟
وأين رسالة الطب والقسم الذي اقسم الأطباء عليه من أفعالهم هذه ؟؟؟
 
Top