مواضيع مهمة

بالصوت والصورة

24 ساعة

مشاكل وحلول

الأحد، 5 أكتوبر، 2014

قواعد الفيس بوك الأربعون

قواعد الفيس بوك الأربعون
1- متعملش اد لعيال
2- استقبل ريكويستات كاندى كرش بصدر رحب
3- كلنا عندنا الصاحب اللى خاربها بره الفيس وعامل شيخ على الفيس ... ريلاكس
4- متشتمش حد على الفيس
5- الفيس متراقب
6- خلى كلامك عام ... ارجع للنقطة السابقة
7- عدد سور القرأن 114 تطرح منهم سنك يطلع تاريخ ميلاك ‫#‏معروفة‬
8- كلنا نعرف البنت اللى عندها جرب وديدان وعاملة الكفر فوتو(انا مبضيفش أولاد) ...ريلاكس
9- متعلقش على بوستات سياسية ..بلاهم
10- وقتك اهم من أنك تضيعه فى جدال سياسى هينتهى حتما بشتايم ...ارجع النقطة السابقة
11- اتصور سيلفى#السيلفى_حلو
12- فى نسوان لابسين قمصان نوم بيطلعوا على اليمين (People you may know) ... واحد صاحبك يعرفهم أكيد.... متكسرش بخاطره
13- صور العيال الفيتناميين فى الحرب الأمريكية بقت صور الضحايا فى بورما‪#‎Copy_URL‬
14- فى بنات أفارقه بيبعتوا فريند ريكويست .... احنا دولة افريقية أصلا
15- أوصيكم ونفسى بالهيافة
16- اليوم السابع :بالصور "شاهد مؤخرة كيم كارديشان"
17- كلنا عندنا الصاحب اللى معاه معهد سنتين وبيشير مقولات ل (كانط) و (هيجيل) .... ريلاكس
18- متشتمش حد على الفيس
19- اللى بيكتب ستاتس ويكتب أخرها ‫#‏مقصودة‬ أو ‫#‏موجهة‬ ... بيبقى غالبا معمول معاه الجلاشة ومش عارف يرد اعتباره فبيتصرف زى الست اللى بترمى كلام على جارتها المطلقة علشان خايفة لتخطف جوزها
20- تعامل مع الأصابع الأربعة بمنتهى الهدوء ... أنت عندك مرارة واحدة
21- ايه تقييمك لأداء السيسى ؟ ممتاز طبعا ... ارجع للنقطة 5
22- شاهد صورتك بعد 20 سنة...طب اعرف مين زار بروفايلك.... طب شوف انت شبه مين من الممثلين .. ريلاكس
23- متعلقش على بوستات دينية
24- اللى يضايقك بلوك ... انت مش داخل تضايق نفسك
25- مشاكل الشغل مكانها مش الفيس .... مديرك هيعرف حتى لو مش عامله اد
26- حياتك الشخصية لو طلعت على الفيس ... شخصية هتموت
27- الفيس بوك عالم وهمى
28- اليوم السابع :"وفاة جثة فى تلاجة المشرحة"
29- حماس خط أحمر ... مهم أوى انك تشكر فى السى فود اللى طلع من الاتنين ميل بحرى الزيادة ‫#‏يا_عميل‬
30- جامل الناس... المجاملات ببلاش اصلا
31- ان فريند أى حد بيفرح فى موت حد .... أشكال بنت #$%# أساسا
32- الشهرين دول موسم تزاوج ذكر وأنثى المصرى ....هتبارك لناس كتير فحت
33- كلنا عندنا الصاحب اللى كان مطلع كارنيه الحزب الوطنى ومرة واحدة بقى ثورى وبعدها أسلم وبقى اخوان ودلوقتى بقى سيساوى .... ريلاكس
34- احنا أحسن من سوريا والعراق ‫#‏حكيكة‬
35- البلد اللى معظمها ماشية شمال ...لما عبد الشافى اتصاب ملاقتش باك شمال ‫#‏الاعجاز_العلمى_فى_الكورة‬ ... فى 76 مشجع سنغالى شجعوا المنتخب المصرى لما عرفوا الحقيقة دى ‫#‏زغلول_النجار_ستايل‬
36- فى ناس بتحب تقول هى حاسة بايه وبتعمل ايه وبتاكل ايه ... لايك ومتكسرش بخاطره
37- كلنا عندنا الصاحب اللى اشترى كاميرا "باناسونيك" وعمال يصور الشمس من سطوح بيتهم وبقى زعبولة فوتوجرافر ....ريلاكس
38- البنات احيانا بيكلموا بعض بصيغة المذكر ... عادى ...كمان البنات بيحبوا يقولوا مش أشرب مش أنام ..ميضرش...لكن لو طلعت من مذكر عرفه غلطه... التشبه بالنساء حرام أصلا
39- فى ناس لو صحت الصبح ملقتش شبشب الحمام هيشتموا فى البلد والعيشة واللى عايشنها ويقولك انا خلاص ههاجر..أولا ادعيله يلاقى الشبشب...ثانيا هو حد كان مسك فيك بروح أمك؟....اه نسيت .... ريلاكس
40- والله العظيم هدوس لايك واعمل شير ‫#‏افتكر_أنك_حلفت‬
ماذا يمكنك أن تقول حيال هذا الموضوع؟
 
copyright © 2013 مواقف مضحكة دوت كوم
GooPlz Blogger Template Download. Powered byBlogger blogger templates