.png)
دولة افريقية و لا يوجد بها زنوج
دولة عربية ولكن بدون بترول
شعبها يعمل في كل دول العالم إلا على أرضها فهو عاطل.
اقوى وأكبر جيش في المنطقة وأكثر مواطن رخيص في نفس ذات المنطقة برضه.
نورد البرمجة للدول المحيطة بنا وبنقدم الدعم الفني لدول أوربا ومفيش عندنا كمبيوتر شغال في أي مصلحة حكومية.
الدولة الوحيدة اللي الميتين فيها بيصرفوا على الأحياء - آثار و ممياوات.
بحرين ونهر وأكبر بحيرة صناعية في العالم وخليج ملوش زي وقناة بتتحكم في حركة الملاحة حوالي العالم كله ومكانها يخليها تتحكم في حركة الطيران في العالم كله وبنشحت.
أكبر دولة الناس فيها متدينين و في نفس الوقت تالت دولة على مستوى العالم في الفساد الإداري يسبقها بس كولومبيا اللي اقتصادها قايم على تجارة المخدرات والاتجار في البشر ودولة تانية مش فاكر مين.
البلد اللي فيها نوعين اعلانات واحد عشان تتبرع للفقراء والتاني عشان تشتري شقة في كمباوند بعيد عن الفقراء.
البلد اللي فيها جمعيات خيرية بتعالج وتعلم وتبني بيوت وتوصل ميه وأكل وهدوم للشعب والحكومة تحصلضرائب وبس وبنص القانون مش مسموح لك تسأل الفلوس دي بتروح فين.
بمجموع خمسين في الميه تدخل كلية شرطة
وانت كمواطن تلاقي اللي مسؤول عن امنك واحد معتوه مغرم بأن اللي حواليه ينادوه بالباشا.
الشاب فيها يتعلم عشرين سنة وفي الآخر يشتغل شغلانة غير اللي اتعلمها.
يفضل يحب في 100 بنت لكن لما يجي يتجوز يدور على واحدة تكون ماصحبتش.
يشرب حشيش وبانجو لكن عمره ما يشرب خمرة عشان حرام .
ربع الشعب تعليم حكومي وربع تعليم أزهر
وربع مدارس أجنبي والباقي تعليم قهاوي
وفي النهاية دا بيفكر في وادي والباقي في وادي تاني !!!!!!!!
منقول ..،
إرسال تعليق